Marian na-miss ang halik ni Dingdong!

Nasabik si Marian Rivera sa halik ng asawang si Dingdong Dantes kaya naman sa latest post sa Instragram, abot-tenga ang ngiti niya nang halikan siya ng asawa, huh!

Kababalik lang ni Dong mula sa pagsali sa Berlin Marathon 2019 kaya nasabik si Yan sa halik ni hubby. Naging daan naman ‘yon upang makasama ang anak na si Zia sa school activities ng panganay.

Hawak ni Dingdong sa litrato ang maliit na placard na may nakasulat na, “I came for the beer.” Dahil ang totoong finish line daw ay nasa bahay ayon sa nakaraang post ng Kapuso Primetime Actor..

Balik-taping na rin si Dingdong sa series niyang Descendants of the Sun kung saan si Jennylyn Mercado ang leading lady niya.

Teka lang, totoo bang sa February 2020 pa ang telecast nito?

Juday puring-puri ang ka-sweetan ng anak na nagbibinata

Hindi nahihiyang yumakap at humalik ang anak nina Ryan Agoncillo at Judy Ann Santos na si Lucho sa harap ng kanyang mga kaibigan, pero ang mas ikinatutuwa pa ni Juday ay ang pagiging smarter, wiser, kinder at patient ng anak sa mga kapatid niyang babae.

Saad pa ng young superstar sa bahagi ng mensahe niya, “I love it when you wake me up every morning to join you for breakfast…how your not ashamed to hug and kiss me and daddy even infront of your friends all these and more amazes us my love.”

Huling bahagi ni Juday, “Good luck sa magiging girlfriend mo.”

Kagagaling lang ni Judy Ann sa Busan International Film Festival para sa screening ng movie niyang Mindanao.