TNT bongga ang mga papremyo!

Grabe, as in grabe talaga ang naghihintay na premyo sa mapipiling pinakabagong champion sa Tawag ng Tanghalan sa It’s Showtime na magagaganap on Saturday, September 28 sa Caloocan Sports Coliseum, na surprisingly, walang finalists among the 12 competing contestants come from Metro Manila.

Considering the three of them are from Luzon; three from the Visayas and six from Mindanao. At sila ay sina Elaine Duran, 20, Agusan del Norte; Ranillo Enriquez, 51, Cebu; John Mark Saga, 23, Cavite; JM dela Cerna, 23, Davao; Charisse Arnigo, 20, Surigao del Norte; Jonas Odate, 33, Samar; Violeta Bayawa, 70, Sipolog, Zamboanga del Norte; Julius Cawaling, 38, Cavite; Rafaelito Canedo, 23, Davao; Shaina Mae Allaga, 15, Zamboanga del Sur, Jermaine Apil, 17, Laguna at Kim Memezo, 26, Negros Occidental.

And the prizes at stake: house and lot, negosyo package, family management contract sa ABS-CBN at recording contract, TNT Records, plus P2-M.

It would interest nga pala the contestants, especially to know that superstar Nora Aunor was a former Tawag ng Tanghalan champ.

Jessy umamin na sa paglipat sana sa Kapuso

Jessy Mendiola admitted sa presscon ng upcoming series na Sandugo, na totoong she considered na lumipat na ng Kapuso, as she was not getting new assignments daw either from the ABS-CBN or Star Cinema.

In short, stagnant daw siya for a time, na obviously, nakara­ting sa kabilang network na siyang dahilan siguro kung bakit she was given an offer.

Sobrang overwhelmed daw siya sa gagawing series na Sandugo, not just because sobrang napakaganda raw ng kanyang role, but because impressive raw ang cast kung saan kasama sina Ejay Falcon, Aljur Abrenica at Elisse Joson.

Among the Kapamilya senior talents naman, kasama nila sina Cherry Pie Picache, Vina Morales, Ariel Rivera at Gardo Versoza.

Direction by Arnel Ram Villafor and Ram Tolentino, the producer is Dreamscape Entertainment.

Also starring sina Arlene Muhlach, Cogie Domingo, Jeric Raval, Mark Lapid at Ogie Diaz.

Introducing naman sina Karina Bautista at Aljon Mendoza.

Magsisimulang isahimpapawid ang Sandugo sa Monday, September 30.

Ang Sandugo daw ang magmamana ng timeslot ng Los Batardos na magtatapos sa Friday, September 27.

Of Jessy, gusto sana namin siyang tanungin, but decided not to, kung ano ang kanyang feeling na possible siyang maging daughter-in-law ng Star for All Season na si Vilma Santos-Recto.

Ate Vi is not just a well-respected actress but a popular and well-admired politician.

Medyo matagal-tagal na rin nang magkarelasyon sila ng anak ni Ate Vi na si Luis Manzano, himself a popular TV host.

Before Luis, open book na naging sina Jessy at JM de Guzman.

Liza at Enrique movie wala pang kuwento!

Make It With You na kanta ng sikat na grupong Bread noong 70’s ang title ng bagong film nina Liza Soberano at Enrique Gil na siyang ididirek ni Cathy Garcia-Molina. Ang huli rin ang direktor ng box-office film na Hello, Love, Goodbye nina Kathryn Bernardo at Alden Richards na still showing pa rin in theaters nationwide.

Sa Croatia kukunan ang nasabing film.

Wala pang may idea, except those staff ng production ng Star Cinema kung ano ang tema ng movie. Although tiyak na maganda ito, hopefully, kasing ganda ng Hello Love…

Si Carmi Raymundo, na siyang sumulat ng story at script ng Hello Love… rin kaya ang in charge ng story and script nitong Make It With You?