Sarah walang kupas ang pagiging halimaw sa stage
Muli na namang kinabiliban si Sarah Geronimo sa performance niya sa kantang Tala sa Coke Studio Festival 2019.
Kilala ang Popstar Royalty sa kanyang pagi-ging mahinhin at mala-Maria Clara na pagkilos, pero pagdating sa stage ay talaga namang nagiging halimaw ito.
Bibihira lang ang mga singer na marunong at kayang isabay ang pagsayaw sa pagkanta, kaya naman isa si Sarah sa mga idolo ng mga kabataang gusto ring mag-artista.
Samantala, may pinagkakaabalahang pelikula si Sarah sa kasalukuyan na kasama niyang bida ang isang aso at hurado siya sa The Voice Kids kasama sina Lea Salonga at Bamboo Mañalac. Pagdating naman sa kanyang buhay pag-ibig, bagay na bagay talaga sila ng boyfriend niyang si Matteo Guidicelli. Masuwerte rin si Matteo kay Sarah dahil wife material talaga ang huli.
Huwag kalimutan na bigyan ng credit si Mommy Divine sa maayos na pagpapalaki sa anak, katuwang ang asawang si Daddy Delfin.
- Latest