Lea bibida sa 30th SEA Games

Na-release na ang video na inaawit ng Tony Award-winning actress na si Lea Salonga ang official theme song ng 30th Southeast Asian Games (SEA Games) na We Win As One.

Ang naturang theme song ay sinulat ni Master Ryan Cayabyab at writer-director Floy Quintos.

Pinost pa ni Lea ang naturang video clip sa kanyang Facebook account at nilagyan niya ng caption na: “Coming soon!!! #WeWinAsOne #SEAgames”

Si Lea, kasama ang Fil-American singer at miyembro ng Black Eyed Peas na si Apl de Ap ang magpe-perform sa opening ceremony ng SEA Games.

Magaganap ang SEA Games sa Pilipinas sa November 2019. Pinakita na nga ang Sampaguita-themed SEA Games torch na gagamitin bilang simbolo ng pagsisimula ng SEA Games.

Ang naturang torch ay mula sa design ng sculptor na si Daniel dela Cruz.

Kaya Sampaguita ang napili niyang hitsura ng torch, bukod sa ito ang National Flower ng Pilipinas, it symbolizes beauty, humility and power of the Filipinos.

Martha Stewart na-impress sa husay ng mga Pinoy sa paggawa ng tinapay

Bumisita pala sa Pilipinas ang American lifestyle icon na si Ms. Martha Stewart noong nakaraang August 19 para matikman ang local organic bread na binebenta sa Manila.

Sobrang na-impress si Martha sa husay ng Pinoy pagdating sa paggawa ng kakaibang bread mixture. Isa sa binisita ni Martha ay ang Panaderya Toyo in Makati City kunsaan tinikman niya ang signature breads nito.

“This is a responsible and amazing bakery catering to customers who believe in sustainability. Great bread. No waste organic local products,” papuri pa ni Martha sa naturang bread house.

Sa kanyang social media account, pinost ni Martha ang series of photos and videos ng baking process ng “artisinal pandesal”.

“Baking the new old fashioned way. No waste use breadcrumbs from unsold bread. Kombu from the dashi milk and butter from local dairies, sugar to prolong freshness, Salt from the sea, local grains, Unbleached flours. Let doughs rise carefully slowly. No yeast just local starters using pineapple juice. Extraordinary flavors great textures. Unusual techniques,” caption pa ni Martha.

Natuwa rin si Martha sa kanyang naging shopping spree sa Greenhills at sa SM’s Kultura Filipino kunsaan nakabili siya ng mga Philippine handicrafts. Binisita rin ni Martha ang The Great Buddha Cafe in Binondo, Manila.

Nakarating din si Martha sa Pampanga para ma-experience ang pagtanim ng bigas sa Alviz Farm.

Nakasama ni Martha sa kanyang pamamasyal sa Pilipinas ay ang Department of Tourism (DOT) Secretary Bernadette Romulo-Puyat.