Martha Stewart hindi nagdamot sa selfie

Si Dawn Zulueta sa private event sa Lazatin House sa San Fernando, Pampanga.

Ang American retail businewoman na si Martha Stewart ang guest of honor sa heritage house ng pamilya Lazatin.

Kung maraming celebrities, socialites at iba pa ang um-attend sa ANC, the ABS-CBN News Channel’s Leadership Series at the Sofitel Philippine Plaza na hinost noong isang araw ni Karen Davila para makita, makatsikahan at makapagpa-picture kay Martha Stewart, ang event naman na pinuntahan niya sa Lazatin House ay very private.

Ilan lang ang mga imbitado at kasama nga sa list si Dawn. Sabi sa akin ng friend ko na si Desiree Ching, “Si Ricco Ocampo ang nag-request sa amin na mag-host ng lunch for Martha Stewart sa Lazatin House. It’s the heritage house of the Lazatin family of Pampanga. Sa San Fernando. Sa family ng asawa ko ‘yon.”

So, kumusta naman si Martha?

“She is so nice and accommodating. Marami siyang kinaing dessert. Nagustuhan niya ‘yung orange jelly na dessert.

“Mga two hours din si Martha sa Lazatin House,” sabi pa ni Desiree.

Ang ilan sa mga pagkaing inihanda nila para kay Martha ay shrimp quekiam, sisig, fettuccini in taba ng talangka topped w crab and parsley oil, tidtad, bringhe, crabs, sinuso, musta topped w buro and hito, pritchon at maraming iba pa.

Nang mag-dialogue naman si Desiree ng, “Martha, can we get a selfie???” ay nag-yes naman daw kaagad si Martha.

Kakaiba nga raw ang PR ni Martha Stewart, kaya tuwang-tuwa ang very few na nasa Lazatin House.

Ang bongga!

Anthony inaabangan ang proposal kay Sam

Sabi ng PBA player na si Anthony Semerad, two weeks sila ng girlfriend niyang si Sam Pinto sa lugar nila sa Australia, plus sa Fiji.

Enjoy raw sila sa bakasyon dahil wala muna siyang practice para sa kanyang PBA team.

Teka! Hindi kaya biglang mag-propose na si Anthony kay Sam?

‘Yun na!