Mga Pinoy sa abroad abang-abang din kina Bea, Julia at Gerald
Ang issue kina Bea Alonzo, Gerald Anderson at Julia Barretto ang maituturing ngayon na teleserye ng totoong buhay!
Halos lahat ay nakaabang sa mga pangyayari at sa mga susunod na kabanata ng triangle nila.
At kung pagbabasehan ang reaksyon ng mga tao, bidang-bida si Bea sa “teleseryeng” ito, huh!
Kahit nga mga kaibigan ko abroad, ang palaging tanong ay kung ano na ang updates sa tatlo?
Parang lahat na lang ay sina Bea, Gerald at Julia ang pinag-uusapan!
Sabi nga ni Vice Ganda sa tweet niya, “Gandang umaga!!!! Make this day productive. Wag puro abang sa sagot ni Bea! Chugug!”
Hahaha!
‘Ghosting’ swak na title sa lifestory ni Bea
Ano kaya kung ‘yung movie na sisimulan nina Bea, Richard Gutierrez at Angelica Panganiban ay gawing based sa nangyayari sa buhay ni Bea?
Kung ibabase roon ang istorya, maganda bang title ang Ghosting?
Hehehe!
John Lloyd at Ellen natabunan!
Talbog pa rin ng Bea, Gerald at Julia issue ang hiwalayan issue kina John Lloyd Cruz at Ellen Adarna.
Mas marami ang interesado talaga sa mga pangyayari sa tatlo.
Ano kayang big showbiz news ang makakatalbog sa issue na ito?
Well...
Mga malalapit na kaibigan ni Marjorie, tikom ang bibig
Pinadala ko kay Pops Fernandez ang picture namin ng businesswoman na si Alice Eduardo na malapit sa Original Concert Queen.
Nasa Disneyland sa Anaheim, California ako nang aksidenteng magkita kami ni Ate Alice.
Sobrang lapit ni Ate Alice kay Pops.
Sabi ni Pops, “What a small world!”
Hindi ko na pinut on the spot si Ate Alice, kaya hindi ko na siya tinanong tungkol kay Julia.
Kilalang malapit si Ate Alice sa nanay ni Julia, kay Marjorie Barretto. Ang nalalapit na Sweet 16 birthday party na lang ni Lorin Gutierrez ang pinagtsikahan namin dahil inaanak ni Ate Alice ang panganay ni Ruffa Gutierrez.
- Latest