Pagbabalik hurado ni Sarah kinasasabikan

Marami ang natuwa sa pagpo-post ni Matteo Guidicelli ng mga picture nito bilang ranger sa katatapos na military training.

Siyempre saludo ang lahat sa katapangan ni Matteo. Mas tumaas nga naman ang kanyang pagtingin at respeto sa mga sundalo na nagbubuwis ng buhay para sa bayan.

Nakakatuwa ang fans na inaaway si Matteo sa comment na puro raw pagsusundalo lang ang inaatupag ni Matteo imbes na pakasalan si Sarah Geronimo na nasa marrying age na.

Nag-aalala lang ang fans para kay Sarah. Baka raw kasi magbago ang isip ni Matteo at biglang magpaka-active sa pagsusundalo.

‘Kaaliw ang fans na mas naiinip pa para kay Sarah G. na makasal. Pero mas excited ang mga fans sa muling pagsabak ni SG sa pagiging judge ng The Voice Kids Philippines ng 4th season nito.

Happy rin ang mga fans kay SG na nagdiwang ng kanyang kaarawan kahapon, at solid pa rin ang suporta nila kay SG. Mukha pa ring bagets si SG na parang hindi nagkakaedad.