Baron nangumpisal sa mga ginawang kasalanan!

Na-touch, and at the same time, na-impress kami, Salve A., sa open confession na ginawa ni Baron Geisler tungkol sa masalimuot na buhay na kanyang pinagdaanan and his effort na magbago, when he guested sa talk program na Magandang Buhay na hinu-host nina Karla Estrada, Melai Cantiveros at Jolina Magdangal.

Baron didn’t mince word when he admitted na ‘di lang siya nalulong sa alak, kung hindi sa drugs din, and how not just for a while but for sometime rin. Kaya ilang ulit daw na kinailangan niyang magpa-rehab sa isang particular rehab for drugs institution in Tagaytay City.

He admitted na maraming taong tumulong para magbago siya. But, in the end daw, he realized na ang pagbabago ay kailangang mangga­ling sa tao mismo na siyang may problema.

Grateful daw si Baron that he realized this before it’s too late.

Nowadays walang puwedeng magsabing hindi “bagong’’ Baron ang napapanood nila/natin, daily, except Saturday at Sunday, sa top series na FPJ’s Ang Probinsyano ni Coco Martin.

Openly, Baron admits na malaking tulong at inspirasyon sa kanya si Coco and who had a hand na mapasama siya sa regular cast ng series. Hiling lang sa kanya ni Coco na huwag na muli siyang malulong sa alak, lalo na sa drugs.

Malaking inspirasyon din daw kay Baron ang mga katrabaho niya sa serye na pawang mababait and hardworking.

Labis-labis din ang pasasalamat niya sa kanyang kapatid na si Donnie Geisler, kilalang athlete, na matiyaga ring sinubaybayan ang kanyang pagbabago.

At higit sa lahat sa kanyang non-showbiz girlfriend si Jamie Marie Evangelista, na-feel niyang mahal talaga siya ng walang pasubali. Kaya pangako ni Baron sa dalaga, mamahalin niya ito habambuhay.

As publicized, Baron will soon star in a Christian movie, na hindi pa sure ang title.

Well, God bless, Baron.

Latest batch ng PBB housemates, puro artistahin!

Ganadung-ganado kami na pinanonood every night, Mondays to Sundays, ang bawat episode ng ongoing Pinoy Big Brother (PBB) Otso. Itong version na tampok ang fourth batch ng housemates.

Almost of them are impressive. Sa looks, kilos at mannerisms, pati na educational and personal attainment.

Particularly impressed kami kay Sky Quizon na nag-graduate ng Communication Arts sa U.P. bilang suma cum laude.

Dream ni Sky – and we believe puwedeng-puwede siya – to be a TV host like Luis Manzano.

Equally impressive din ang dating ni Gino Roque, who at 23, is a successful businessman na. Their family, we learned owned Kamiseta.

Matinee idol ang datingan ni Gino, lalo pa nga at he seems to have found a perfect partner in fellow housemate, Kiara.

Kakaiba rin ang dating nina Argel at Akie. Puwedeng comedian si Wealand.

Sa girls, manalo man o matalo, pang-leading-lady ang dating ni Frankie, tubong New Zealand, ayusin lang niya ang kanyang pananagalog.

Ganun din si Diana, na sa tindig pa lang class na class na.

Well, in a week or two, malalaman na natin who, among them, will make it as the “big four.”

July 7, magsasamang lahat ang mga lucky big four ng apat na batches, kung saan mag-e-emerge ang tatanghaling champ of the PBB Otso.

Bernadette Allyson balik-showbiz na

Back before the movie camera si Bernadette Allyson, who, for sometime, played plain housewife lang sa actor-turned-politician na si Gary Estrada. And, of course, Mom to their two daughters.

Well, Bernadette is in the cast of Because I Love You, starring sina David Licauco at Shaira Diaz with direk Joel Lamangan at the helm.

Of Gary, tumakbo siya for Vice Mayor ng Cainta (Rizal) noong nakaraang election, but, unfortunately, didn’t make it.