Alex patok ang bagong jejemon song!

Iba talaga si Alex Gonzaga, ang taba ng utak pagdating sa paggawa ng mga kantang kalokohan. May bago na naman siyang kanta, ito ay ang Tipints.

Tawa na naman ng tawa ang netizens dahil sa kabaliwan ni Alex na pati ang mismong nanay niya ay kanya ring nabiktima.

Ang kanta ay patungkol kay mommy Pinty, nahahabaan daw kasi ang kanyang mga amiga sa name nito kaya tinawag na lang siyang Tipints.

In fairness ay may sense naman kahit papano ang kanta ni Alex, relate ang mga kabataan dito dahil tungkol ito sa typical na paghihigpit ng isang nanay.  Viral ang lyrics ni Alex na chilly ang words tulad nag “ina ko ina mo ina ko...taas ang mga kamay sa mga napalo ng hanger...”

Good vibes talaga lagi ang hatid ng mga kanta ni Alex, malayung-malayo sa ate niyang si Toni Gonzaga na napakaseryoso.

Si Fifth Solomon na kanyang naging bff sa loob ng bahay ang siyang direktor ng music video.

Bukod sa Tipints, nauna niya nang inilabas ang Chambe, Chambe na patungkol naman sa kanyang pamangkin na si Sevé na anak nina Toni at Paul Soriano.