Sagot daw niya lahat… Sharon gustong i-blowout sa beach ang kinalolokohang K-Pop boy band!

May bagong kinalolokohang K-pop artists si Sharon Cuneta at ito ay ang boy band na NCT 127 na talagang pinanood pa niya ang live performance sa Korean World Music Festival sa Mall of Asia last June 9.

Kamakailan nga lang ay nagkalat ang kanyang videos at picture na nagwawala dahil sa kilig sa nasabing boy band. Kasama pa niya ang anak na si Miel na fan din nito.

Kaaliw ang post ni Sharon na tila open letter sa NCT 127 at ipinakilala niya ang sarili.

“Dear @nct@nct127 , Can I be your Mama in Manila? May daughter and I love you and the Dreamies and WAYV so much. You can ask Sandara of 2NE1 about me because we used to work in the same TV station.

“I have been a singer since I was 12 and a film actress since I was 15,” ang bungad ni Shawie sa kanyang mensahe sa boy band.

Ang mas nakakatuwa, inimbitahan niya pa ang buong NCT 127 members at ang manager ng mga ito sa beach dito sa Manila at sagot daw niya ang lahat ng gastos.

“Maybe on your next break I can invite you and your managers to a very private beach that has the whitest sand and bluest waters where no one will bother you!!! It will be our treat! We love you!!! Please do a full concert in Manila!!! But we will fly anywhere to watch you if our schedules allow! We love you!!!” saad pa ni Megastar sa kanyang post.

Ang pinaka-ultimate na fan girling moment nina Shawie at Miel ay ang sinugod nila sa backstage ang boys at nagpa-picture with them. At nagawa raw nila ito dahil sa tulong ni Vice Ganda at Ryan Bang.

“AAAAAAHHHHHHHHH!!!!!!!!!! Thank you so much to my Vicey @praybeytbenjamin for calling and calling Ryan Bang in the middle of his emceeing!!! You made our whole year!!! And thank you dear Ryan Bang for getting us through the boys’ masusungit na handlers!!! Mahal ka namin grabe!!!!!!!! That’s my Taeyong and the boys!!! We love you NCT127!!!!” ang caption ni Shawie sa picture nila ni Miel with NCT 127 members.

Isa pang caption niya in another photo with the boys, “Lord Jesus thank You for this once-in-a-lifetime chance!!! Miel and I feel so blessed!” At talaga namang mahahalata mo sa kanya ang sobrang happiness.

Siyempre, relate na relate kami at parang nararamdaman din namin kung gaano siya kasaya dahil ganyang-ganyan din naman ang naramdaman naming happiness (or more pa nga) nang makita rin namin ang aming idol na si Lee Seung Gi.

Pero the other day ay may post naman si Sharon na love niya pa rin naman si Gong Yoo, ang unang Korean actor na kinabaliwan niya at bida ng Train to Busan at Goblin na idol din ni Anne Curtis.