Billy, 10 taon trinabaho ang album

Pagkatapos ng sampung taon ay nagbabalik si Billy Crawford sa paggawa ng music, ngayon ay kumpleto na ang kanyang album na may title na Work In Progress na available na sa mga music store.

Ang husay ni Billy na ang album ay naglalaman ng mga kantang Brand New, Get Lost, Future, Halika na, Wip, Take You to Heaven, Headed for the Stars, Go with the Flow, We Will Rise Headed for the Stars, at pati pala ang Filipina Girl na umabot na ng mahigit isang milyong views sa YouTube ay part ng album ng TV host/singer.

In all fairness kay Billy, talagang pang international ang dating na walang tapon sa kanyang mga kanta.

Ang gaganda rin ng collaboration niya sa ibang artists.

Muling pinatunayan ng singer ang kanyang talent na pang-world class. Excited na tuloy ang fans sa mga gaga­wing music video nito na tiyak kasama ang swabe nitong dance moves. Binigyan ni Billy ng ibang level ang hip hop rap at R&B sa ‘Pinas.

Suwerte ni Billy na hindi lang bongga ang career, kundi successful din ang kanyang buhay-asawa na parang nakatagpo ng fountain of youth sa piling ni Coleen Garcia Crawford.