Kris hindi na galit kay James, nagpasalamat, nag-God bless you pa!

May bagong pronouncements si Kris Aquino patungkol sa ex-husband at tatay ni Bimby na si James Yap. Magdiriwang na raw kasi ang anak nila and turning 12 years old na kaya may nais siyang iparating sa lalaking naging parte ng kanyang buhay at binigyan siya ng isang anghel.

Sa video blog ni Kris released last Monday tungkol sa mga crystals, sa bandang unahan pa lang ay nabanggit na niya si James dahil ikinuwento niya na sumabog ang bracelet na pinaniniwalaan niyang makakapag-save ng marriage nila.

“Kasi ‘di ba when you’re trying to save your marriage, kung anu-anong paniniwalaan mo. So merong bracelet na it had those two doves or whatever you call those birds na pagsasamahin mo,” kwento ni Kris.

“Sumabog. Sabi ko, ‘Oh my God!’ Napaganun ako, and ‘yun ‘yung time na magfa-file na ng annulment. And I knew, sabi ko, ‘Wala na talaga ‘to. This is it,” patuloy niya.

Pagkatapos nito ay nagpasalamat siya kay James.

“Pero at least ‘di ba, it produced Bimb, thanks,” she said.

Maaliwalas ang pagpapasalamat ni Kris, puno ng ngiti ang mga labi at mukhang wala na ngang anumang galit for her ex.

“And because magbi-birthday si Bimb, magiging 12 na nga siya, I’m letting go of all the negativity that surrounded everything that went wrong because the greatest gift talaga was that I have Bimb.

“So for that, thank you and God bless you and have a good life ahead of you,” ang mensahe ni Kris kay James.

Dugtong pa niya, “sincere ‘yan kasi, nagawa ko straight du’n sa camera.”

Sey pa niya ulit, “sincerely, dahil nga in a month’s time, Bimb will be 12. Had it not been for you, of course, walang Bimb, so thank you for Bimb and God bless you and God bless your family.”

Pero syempre, knowing Kris… puwede itong maiba na naman kapag na-bad-trip na naman siya kay James or kapag may ginawa itong hindi niya gusto lalo na kung maapektuhan ang kanyang mga anak.