Nagsalita sa pagbuwag sa AlDub… Arjo natakot nang makipagharap sa pamilya ni Maine!

Aminado si Arjo Atayde na natakot siya nang humarap siya sa pamilya ni Maine Mendoza sa Bulacan. Matatandaang ini-reveal ito ni Maine sa kanyang blog recently kasabay ng pag-aming nagde-date sila.

“Of course, I think, every guy would be scared to meet the family,” sabi ni Arjo sa presscon ng Bagman, ang digital series na pinagbibidahan niya produced by Dreamscape Digital and Rein Entertainment.

“Nakakatakot po, eh, ‘di ba, malamang. Babae po ang anak nila. Nakakatakot, but I faced it, I have to, and I want to,” dagdag pa ng aktor.

When asked kung ano ang naging feelings niya sa pag-amin ni Maine, aniya, si-yempre ay masayang-masaya siya.

“Masaya po ako ako. I’m very, very, very happy, I’m contented,” deklara ni Arjo.

At kahit nga may mga basher pa rin sa relasyon nila, dedma na lang daw sila as long as masaya sila.

“I am, very, very happy and I think, that’s what matters now. My career, ABS-CBN is taking care of me, my personal life is good, my family is fine, they’re all very good, so I’m very happy. Kontento po ako ngayon, sobra,” pahayag pa ni Arjo.

At kahit nga maraming bashers, talaga namang ipinaglaban din ni Arjo si Maine at sey nga niya nang mahingan ng komento tungkol dito, “as I’ve said last time, she’s worth fighting for, so dedma na lang siguro. I’m happy nga, eh, tulad nga po ng sinabi ko kanina, kontento na po ako .I’m just really happy, and I see her happy, and I think it’s all that matters to me.”

Diretsong natanong din si Arjo kung siya ba ang dahilan ng pagkabuwag ng AlDub (Alden Richards and Yaya Dub) loveteam, at ayon sa aktor, “ay hindi ko po alam ‘yun, but I’m on a personal side. ‘Yun lang po ang masasabi ko.”

Samantala, sobrang proud si Arjo sa Bagman kung saan ay gumaganap siya bilang isang ordinary ngunit madiskarteng barbero na kumakayod para sa pamilya subalit naipit sa isang illegal na gawain para mabuhay ang kanyang pamilya.

Sobrang intense raw ng mga eksena ni Arjo and the whole series itself, ayon na rin sa direktor ng serye na si Shugo Praico at mga co-star ng aktor na sina Yayo Aguila, Allan Paule, Chanel Latorre at Raymond Bagatsing.

“Everything is surreal, everything is overwhelming,” pagtatapos ni Arjo.

Ang Bagman ay may 12 episodes at ang first six episodes nito ay magiging available sa iWant nang libre simula Marso 20. Tatlong episodes naman ang mapapanood sa Marso 27, at ang huling tatlong episodes naman sa Abril 3.