Kanta ni Edward umabot hanggang Singapore
Aba talagang ang lakas ng hatak ni Maymay Entrata sa mga tao kaya lalong gumanda ang kanyang career.
Laging trending si Maymay na kahit busy sa iba’t ibang bagay, hindi pa rin niya nakakalimutan ang kanyang first love, ang singing.
Dinumog ng kanyang fans ang single nito na Kakayanin Kaya na nangunguna lang naman sa iba’t ibang music chart. Ang Star Music ang may release nito.
Samantala, hindi naman nagpahuli ang katambal niyang si Edward Barber sa kanta nitong No One Else na pumapangalawa naman sa kanya. Sa katunayan nga ay naunahan pa niya si Maymay na mapansin sa international music scene, dahil nasa Singapore music charts na rin ang kanta niya.
Oh ‘di ba pati si Edward ay nahatak ni Maymay na kumanta.
Samantala, huling napanood ang dalawa sa Metro Manila Film Festival 2019 sa pelikulang Fantastica ni Vice Ganda.
- Latest