Zia mahilig nang mag-explore
Nakaabang ang bagong endorsement ni Zia Dantes ayon na rin sa pahaging ng inang si Marian Rivera sa post niya sa Instagram ng litrato ng panganay na anak at sa caption nito.
“Pag three years old na, makulit daw? Mukha naman! Love niyang mag-explore eh! Kaya masaya kami na may ka-partner kami helping keep Ate Zia protected. Abangan niyo...@Basta3YearsNa,” caption ni Yan.
Naku, sa endorsements ni Zia, siya na siguro ang pinakabatang milyonarya na anak ng celebrity dahil ilang buwan matapos siyang ipanganak eh, may endorsement na siya kasama sina Dingdong (Dantes) at Marian, huh!
Sharon magkaka-chance na kay Gong Yoo
Fully-loaded sa directorial job si Erik Matti. Sabay niyang tinatapos ang On The Job 2 nina Dennis Trillo at John Arcilla, at Kuwaresma ni Sharon Cuneta under Reality Entertainment nila ni Dondon Monteverde.
Si direk Erik din ang gusto ni Judy Ann Santos na director ng dalawang movies na gagawin niya under Reality.
Ang isang pinaghahandaan ng Reality ay ang pelikulang isu-shoot sa South Korea. Nabalitaan naming ang bida sa pelikula ay si Gong Yoo na nagbida sa blockbuster na Train To Busan, huh!
Naku, hihimatayin si Shawie kapag pinapasyal siya ni direk Erik once naisara na ang movie with Gong, huh!
Yasmien laglag sa Descendants
Bigo si Yasmien Kurdi na mapabilang sa cast ng Pinoy version ng Korean drama na Descendants of the Sun. Eh nang malaman ng Kapuso actress na gagawin ito ng GMA, shout out agad siyang gusto niyang map abilang sa Filipino cast nito.
Eh, binigyan kasi si Yasmien ng bagong series na ang title ay Hiram na Anak at isa sa makakasama niya ay si Paolo Contis.
Huling napanood si Yasmien sa GMA afternoon drama na Hindi Ko Kayang Iwan Ka.
- Latest
