Miss Earth-Brazil, nag-ikot sa mga beach!

Nanahimik sa sexual harassment

Kung ang ibang Miss Earth candidates ay nagmadaling lumayas ng bansa dahil sa isyu ng sexual harassment, nag-enjoy naman si Miss Brazil Sayona Raveras  sa Palawan kasama ang kanyang boyfriend.

Sa kanyang mga IG post, daig pa ang rumampa sa Miss Earth pageant ang kanyang mga pose. “Life is definitely better in a bikini #itsmorefuninthephilippines#missearthbrazil #boracay #islandgirl #beach #summertime #bikini #phillipines#summerfeeling #tan #sun”sabi nito na bukod sa El Nido, Palawan  bumiyahe rin sila ng boyfriend niya sa Boracay at Calatagan, Batangas.

Speaking of Miss Earth, ano na nga bang updates sa sexual harassment complaints ng tatlong kandidata sa isang sponsor?

Parang natahimik na ang paligid at mas pinagkakaabalahan ngayon ng iba ang tapatan ni Kris Aquino at kapatid ng kinasuhan ng qualified theft na  si Nicko Falcis na si Atty. Jesus Falcis na ang sabi ng netizen ay bagay magkasama sa isang talk show. Hehehe.

Ano nga kayang resulta ng investigation ng Miss Earth organization sa reklamo nina Miss Earth-Canada Jaime Vandenberg, Miss Earth-England Abbey-Anne Gyles-Brown  and Miss Earth-Guam Emma Mae Sheedy.

May ilang senador na gustong maki-ride pero parang pawala na ang issue.

Pero importante ring pag-usapan ito dahil siguradong makakasira ito sa image na bansa.