Vice aminadong nagmukhang puchu-puchu nang tabihan ni Marian

Napasigaw si Vice Ganda nang bumisita si Marian Rivera sa set ng ginagawang movie, ang Fantastica, kung saan kasama niya si Dingdong Dantes.

“Napakaganda ni Marian! Mukha talagang artista! Nagmukha akong puchu puchu!!!!” bulalas ni Vice sa inilabas na picture nilang dalawa sa Instagram story niya.

Hindi naitago ni Vice ang pagiging faney niya nang face to face niyang makita si Marian.

“Nu’ng natitigan ko yung mukha ni Marian napaisip talaga ako kung paano ko naging artista!!! Di ako naka-recover agad. Fowtah ang ganda eh! #faney.”

Regine hindi plinanong habulin ng GMA

Umiyak si Regine Velasquez-Alcasid sa farewell episode last Saturday ng Kapuso cooking show niyang Sarap Diva matapos maging host after more than six years.

Pinasalamatan ni Songbird ang GMA top executives, lady bosses ng entertainment group, at staff and crew ng programa.

“I have stayed here for two decades, maraming-maraming salamat po sa tiwalang ibinigay niyo sa akin and for taking good care of me.

“And thank you for being lenient with me at times nung time na kailangan ko mamahinga kasi buntis ako. Hindi nagdalawang-isip. Talagang hinayaan niyo lang ako magpahinga,” bahagi ng mensahe ni Songbird.

Hindi na hinabol ng GMA si Regine. Sa inilabas naming official statement ng network kahapon through its Entertainment Head executive, pawang mabubuting salita ang inilabas nila sa pag-alis ni Songbird.

Eh, kahit waley na si Regine sa cooking show tuloy pa rin ang telecast nito at ang papalit sa kanya ay sina Carmina Villarroel kasama ang kambal nila ni Zoren (Legaspi) na sina Mavy at Cassy.