Kapatid ni KC hindi nakalusot sa Miss U

Luhaan ang half sister ni KC Concepcion na si Cloie Syquia sa Miss Universe Sweden.

Nauna na siyang nanalo sa Miss Earth Sweden kaya dumating siya ng bansa para mag-compete sa Miss Earth na laging ginaganap dito sa atin. Sadly, hindi rin siya dun nagwagi.

At ito nga, sumubok siya sa Miss U Sweden pero waley, hindi siya nanalo.

Makakalaban ni Catriona Gray sa Miss U sa Bangkok si Ms. Emma Strandberg.

Base sa IG ng Miss U Sweden, ang gaganda ng mga nakalaban niya doon.

Anak si Cloie ni Gabby sa former wife niyang si Jenny Syquia.

Vice, Toni, at Daniel, muling nagsama-sama sa MOR

Paglalapitin pa ng MOR Philippines ang mga tagapakinig sa buong bansa dahil sabay-sabay na narinig ang panibagong jingle ng MOR Philippines, na muling inawit nina Vice Ganda, Toni Gonzaga, at Daniel Padilla, sa 17 istasyon nito kahapon ng umaga.

Mas magiging makulay pa nga ang pakikinig ng radio listeners mula sa iba’t ibang rehiyon sa pagsalang ng bagong jingle ng MOR Philippines na magbibigay ng iisang tunog sa lahat ng istasyon nito sa bansa.

Isinulat ang jingle ng mga kompositor na sina Lloyd Oliver “Tiny” Corpuz, Thyro Alfaro, Rox Santos at Jonathan Manalo, na lumikha na rin ng hit songs sa radyo.