Mikael at Megan, bibiyahe sa Antartica!

Uso na ngayon ang pagiging creative ng mga lalake sa kanilang pag-propose sa kanilang mga girlfriend.

Tinanong nga si Mikael Daez kung nakakaisip na ba siya ng sarili niyang gimik kung paano siya magpo-propose sa girlfriend niya for eight years na si Megan Young.

Sagot ni Mikael na wala pa raw sa isip niya ang mag-propose kay Megan dahil ini-enjoy pa raw nila ang lahat ng mga nangyayari sa buhay nila.

“I am not thinking about that sa ngayon. Ayokong may pressure. Mas maganda yata ‘yung basta na lang siya mangyayari, ‘di ba?

“Nandun ‘yung element of surprise. Gusto kong makita ang pagkagulat ni Megan when I pop the question.

“But for now, wala pa ‘yan... It’s going to happen, but not soon,” ngiti pa ni Mikael.

Malapit na raw matapos ang teleserye na pinagsasamahan nila ni Megan na The Stepdaughters kaya naman naka-book na raw sila ng magiging next travel adventure nila sa bansang Iceland.

“Mga eight days lang kami roon. Pahinga na rin namin iyon ni Megan kasi we’ve been working sa teleserye for 10 months. It’s time na mag-relax naman kami.

“Marami pa kaming gustong puntahan. Like ‘yung dream vacation ko sa Antartica, it has yet to happen.

“We enjoy traveling together and experiencing different cultures. ‘Yun siguro ang isang dahilan bakit nagtagal kami for 8 years. We just enjoy one another kapag kaming dalawa lang,” pagtapos pa ni Mikael Daez.

Julie Chen nag-resign sa talk show

Nagpaalam na ang daytime TV host na si Julie Chen sa programang The Talk kung saan naging bahagi siya for the past eight years.

Ginawa ito ni Chen para suportahan ang kanyang mister, ang former CBS CEO na si Les Moonves na nag-resign sa kanyang posisyon sa naturang network dahil sa accusations of sexual misconduct.

Sa pamamagitan ng isang video, ito ang sinabi ni Chen:

“Right now I need to spend more time at home with my husband and our young son, so I’ve decided to leave The Talk.

“I want to thank everyone at the show for the wonderful years together. I will always, always cherish the memories we shared.

“Most important, I want to thank you, the viewers, for allowing me into your home every day. It was a privilege that I will forever be grateful for.”