Kyla nag-whistle ala-Mariah

Muling pinatunayan ni Kyla ang kanyang pagiging Queen of R&B sa latest single niyang Mahal Kita Pero Konti na Lang.

Ang daming shifting ng notes at panay ang kulot ng kanyang boses na mas gumanda pa sa mataas niyang falsetto. Napag-alaman ng fans na kaya rin palang gawin ni Kyla ang whistle ala-Mariah Carey.

Ang masaklap, parang hindi mo agad makakanta ang single sa sobrang lalim at bigat ng mensahe na humming pa lang ay madadala ka na at para kang paulit-ulit na sinasaksak ng bawat linya ng lyrics.

Yung damang-dama mo ang kanta sa napakagaling na transition at dynamics na punung-puno ng emosyon.

Ewan ko na lang kapag hindi ka tinamaan o maiiyak sa nasabing track sa husay ng interpretation ng nag-iisang Queen of R&B. 

Mabuti na lang masaya at successful ang marriage ni Kyla kay Rich Alvarez, or else mapapaniwala ang ilan na may problema ang mag-asawa sa grabeng galing ng nasabing single na swak na maging official sound track ng anumang drama series o movie.