Baguhang rapper na si Because unti-unting napapansin

Wala nang nagawa ang mga basher ni Because, ang sensational 16-year-old rapper dahil mas lalong umingay ang single nitong Sandali na release ng Viva Records na umabot na sa mahigit 1 million views sa YouTube.

Panay ang pagkukumpara ng mga bitter kay Because sa ibang artist na nilalait ang kanyang katabaan na kesyo kahawig daw nito sina Jake Zyrus, Kim Jong-un, Niño Muhlach, at sinasabing Rich Chigga ito ng ‘Pinas dahil sa kanyang mga moves. Nilalait si Because dahil lang sa malusog na hitsura na parang sasayaw daw ng Gangnam Style. Pero kung music wise ay thumb ups ang mas karamihan ng milyong viewers nito. Kaysa sa concern sa panlabas na anyo ng singer-rapper.

In all fairness, ang daming mas nawiwili sa kanta ni Because dahil ang angas ng music at kanta nito na solid ang hatak agad sa millennials.

Mabuti na lang hindi nagpapatalo si Because sa mga pintas sa kanya na kumpleto na rin ang kanyang first album na may title na #Heartbreak SZN na out sa lahat ng digital streaming devices.