Walang import sa MPBL - Pacquiao
MANILA, Philippines — Kahit lumobo na sa 26 koponan mula Luzon, Visayas at Mindanao ay hindi muna papayagan ni Sen. Manny Pacquiao na magkaroon ng imports ang Maharlika Pilipinas Basketball League (MPBL) sa ngayon.
“Wala munang imports. Kasi nasasapawan ang mga Pilipino talents natin. Sa ngayon marami na ang nakapaglaro ulit dahil sa MPBL. Actually, nagkaubusan na nga ng players dahil sa MPBL,” ani Pacquiao.
Ayon naman kay MPBL Commissioner Kenneth Duremdes, ang paningin ng home and away league ay para mabigyan ng pagkakataon ang mga home grown talents na maipakita ang kanilang husay.
Samantala, ipinakita ng Anta Rajah Cup champion na Batangas Athletics ang kanilang seryosong asam sa titulo matapos padapain ang Quezon City, 95-90, habang nagwagi ang Caloocan laban sa baguhang Pasig Pirates, 91-81, sa 2018 Maharlika Pilipinas Basketball League Anta Datu Cup noong Miyerkules ng gabi sa Caloocan City Sports Complex.
Umiskor si Bong Galanza ng game-high na 28 puntos at ang dating Ginebra Kings na si Dennice Villamor ay umani ng 20 puntos at 12 rebounds para sa Athletics.
- Latest