Paolo laway na laway sa mister ni Solenn!

Walang problema kay Solenn Heussaff kung type ni Paolo Ballesteros ang kanyang asawang si Nico Bolzico. Happy nga raw siya na maraming nagkakagusto sa kanyang hubby.

Sa presscon kasi ng pelikulang pinagsasamahan nila ni Paolo, ang My 2 Mommies ng Regal Entertainment showing on May 9, natanong ang aktor kung ano ang meron si Solenn na gusto niyang magkaroon at sagot niya, “’yung asawa niya!”

Ayon kay Solenn, okay na okay daw sa kanya kung maraming nagkakagusto kay Nico dahil alam naman daw niyang guwapo at matalino ang kanyang asawa.

“So, kung may mga tao, boy or girl na magkakagusto sa kanya, eh di happy rin ako kasi, the prize is mine,” natutuwang sabi ni Solenn.

Pero never naman daw siyang na-threaten sa mga girls na may gusto kay Nico dahil may tiwala raw siya sa asawa.

“Alam ko namang maraming babae na maganda out there or iba ‘yung talent nila and everything. I trust Nico, so kahit may mga kasama siyang girls sa ibang bansa and everything, I don’t ask any question kasi kilala ko siya and we trust each other. That’s what’s nice in our relationship,” sey pa ni Solenn.

Kahit pa gays ang nagpapakita ng interest kay Nico, happy din siya pero hindi raw siya siyempre willing i-share ang asawa at kanya lang daw ito.

Sa pelikula ay ginagampanan ni Solenn ang mommy ng isang 8-year-old kid na ginagampanan ni Marcus Cabais. First time niya to play mom at okay lang naman daw sa kanya. Sa bahay nga raw ay may alaga siyang pusa na parang anak din daw turing niya kaya kung baga, may practice na siya.

In real life ay plano raw nilang magka-baby ni Nico next year pa and ready na rin naman daw siya na maging ina.

Alfred suportado ang pagsabak ni Dingdong sa pulitika

Ayon sa Kapuso actor at 5^th district of Quezon City Representative na si Alfred Vargas, may posibilidad daw na maging kapartido pa niya si Dingdong Dantes sakaling magdesisyon itong tumakbo sa next elections.

Pero hindi pa raw sila nagkakausap ulit ni Dingdong kaya hindi pa niya alam kung ano ba talaga ang desisyon ng aktor.

“Since nun’g nag-usap tayo (huling interview namin sa kanya last February), hindi pa kami nakakapag-usap. Kung anuman ‘yung desisyon niya, ako bilang kumpare niya, I’m very supportive of him. Naniniwala ako, isa siya sa mga artistang deserving maging public ser­vant. Si Dingdong, isang napakabait at napakagaling na tao,” pahayag ni Alfred.

Humarap si Alfred sa thanksgiving salu-salo with the entertainment press last Saturday dahil thankful siya sa mga magagandang pangyayari lately sa buhay niya bilang aktor/politician.

For one, ang ganda ng feedback ng teleserye niya sa GMA-7 na na-extend nang na-extend, ang Kambal Karibal. Ani Alfred, sobrang happy raw siya for accepting this drama series dahil bukod sa ang ganda ng kanyang role, enjoy pa siyang katrabaho ang mga co-stars na sina Carmina Villaroel, Jean Garcia, Marvin Agustin, Christopher de Leon at mga batang artista natin na sina Kyline Alcantara, Bianca Umali and Migue Tanfelix.

Sey nga niya, hindi raw talaga nila ine-expect na mae-extend nang mae-extend ang soap.

“Never naman naming inisip na tatagal ito ng ganito. Talagang nagulat kami. Originally, dapat hanggang February lang pero due to insistent public demand, talagang na-extend po kami four times and I’m very, very lucky. So hanggang June na kami,” sey ni Alfred.

Sobrang happy niya sa success ng serye na kahit saan daw siya magpunta ngayon, ‘bebe ko’ ang tawag sa kanya na tawag sa kanya ni Jean sa Kambal Karibal.

Pero hanggang paisa-isa lang naman na proyekto ang pwede niyang gawin dahil hindi niya naman daw talaga niya kaya nang mag-full time pa ng 100% sa showbiz. Priority pa rin ang public service pero aminado naman siyang kailangan niya rin ang extra income.

“Actually, aminin ko sa inyo, dalawa na kasi ang anak ko, tapos nag-aaral pa. Siyempre, kailangan din natin ng extra income, di ba? Kailangan nating magbanat ng buto para naman at least, gumanda ‘yung future nila,” pahayag ni Cong. Alfred.

Okay na raw siya na isang project sa TV at isang project sa film a year. Ngayon ay may ginagawa rin siyang advocacy film, ang Men in Uniform kasama sina Rayver Cruz, Empress, Jeric Raval and Rommel Padilla.

May last term pa si Alfred bilang Representative ng 5TH District at tatapusin daw niya ito kaya tatakbo siya ulit sa next election para sa nasabing posisyon.