Heart, nagpapraktis maging nanay sa alagang aso

Marami na ang nakaka-miss kay Heart Evangelista sa paglabas nito sa TV, lalo na’t naging top-rater ang huling teleserye niya na My Korean Jagiya.

Maraming fans ang gustong mapanood siya ulit umarte, pero nangako si Heart na magpapahinga muna siya sa paglabas sa TV o paggawa ng pelikula for two years para naka-focus ito sa pagbuo ng baby nila ng mister niyang si Senator Chiz Escudero.

Habang naghihintay sila ng pagdating ng baby, marami rin namang pinagkakaabalahan si Heart, tulad ng kanyang painting exhibit at ang pag-design ng sarili niyang clutch line.

“I’m kind of resting for like almost two years. I won’t be doing a soap.

“But I just want to take a time off to focus on other things that I need to finish like designing a clutch line, I’m collaborating with certain brands abroad.

“So, I’m flying out. I really, really need this time lang to finish things. Also, because I’m trying to be a mom. So, I really need time to also just relax,” sey pa niya.

Ano naman klaseng mommy si Heart kung sakaling dumating na ang hinihintay nilang baby ni Senator Chiz?

“Well, I’m starting already. So, let’s see.

“I don’t know, I’m still gonna figure that out but my husband said that ‘You know, you’re good with dogs, you must be very good with kids,’ so ayun. He’s very excited for me, too,” pagtapos pa ni Heart Evangelista.

Derrick limang taon bago napalaki ang katawan

Overwhelmed ang Kapuso hunk na si Derrick Monasterio na nag-pay off ang mga naging hirap niya sa gym para mapaganda ang katawan niya.

Nakabilang siya sa Mega Man Best Bodies 2018 kunsaan nakasama niya ang ibang Kapuso hunks na sina Jak Roberto, David Licauco at Kiko Estrada.

“Nakakatuwa kasi ang pinaghirapan mo, nagbunga and talagang binigyan kami nila ng ganitong title.

“There are a lot of beautiful bodies sa Philippine showbiz pero para mapabilang ka dito, nakakatuwa.

“To be a hunk ay not necessarily may abs. Basta comfortable ka sa katawan mo, and you can take off your shirt off anytime.

“This is actually new kasi I started out in Tween Hearts eh, talagang bata and really thin before so para sa akin, itong title na ito ay isang level up na milestone sa career ko,” ngiti pa niya.

Five years daw ang ginugol sa gym ni Derrick para ma-achieve nito ang pangangatawan niya ngayon.

“Nag-start ako mag-gym when I was 17 years old. It was for Cosmo and noong natapos na, I decided to continue working out for personal purposes like health. If ever may photo shoot, at least, I’m ready,” diin niya.

Dahil sa naging health conscious na si Derrick, marami na raw siyang paboritong kainin noon na hindi na niya puwedeng kainin.

“I still take sweets. ‘Di ako nagra-rice, fast food, soda, alcohol at white bread. Puro whole grains tapos umiinom ako ng four glasses of water sa umaga para ang metabolism ay mabilis.

“Gusto ko kasing ma-achieve ang lean at mala-Calvin Klein model body,” pagtapos pa ni Derrick na mapapanood sa upcoming teleserye na Inday Will Always Love You.

Justin Bieber pinakilala ang long lost sister

Maraming followers ng Canadian popstar na si Justin Bieber ang natuwa sa pinost niya kamakailan sa kanyang Instagram tungkol sa kanyang long lost sister na si Rachel Bieber.

Inaliw ni Bieber ang kanyang mga followers sa pag-photoshop ng ulo niya sa seksing katawan ni Beyonce Knowles na ang suot ay black mosaic mini-dress na galing sa 2013 NYC album release party.

Nakakuha ito ng 5 million likes at 175,000 comments.

Caption pa ni Bieber: “Y’all need to meet my sister Rachel Bieber!”

Isa sa mga libu-libong nag-comment sa photo na ito ay ang kaibigan niyang si Patrick Schwarzenegger: “Bruh, set me up! Finally be brothers.”

Kapwa nasa Coachella Music Festival sina Bieber at Beyonce. Nag-perform si Beyonce samantalang nanood lang ng concert si Bieber.

Namataan nga si Bieber na sumasayaw na shirtless sa show ni Skip Marley at nakipag-selfie pa ito sa 11-year old Walmart viral sensation na si Mason Ramsey.