Anak nina Dingdong at Jessa gumagawa ng ingay

Double thumbs up agad ang ibinigay ng netizens para kay Jayda sa kanyang debut single na ang title ay Text na release ng Star Music.

Hanep ang ganda ng boses at kanta nito na in fairness ay pang-international ang dating.

For sure, proud parents ang Phenomenal Diva na si Jessa Zaragoza-Avanzado at mister nitong si Dingdong Avanzado na certified singer na ang kanilang bagets.

Pero imagine, sa unang single pa lang ni Jayda dahil sa ganda at mahusay nitong pagkakanta ay nakawala na agad ito sa anino ng kanyang mga respetadong singers na magulang.

Talagang bongga ang single ni Jayda na Text dahil pang-Hollywood ang tunog na bukod sa bago ang song ay pasado rin agad sa listeners ang music at lyrics.

Ikinumpara agad ang dating ng kanyang music kina Taylor Swift, Slena Gomez, at Hailee Steinfeld samantalang OPM song ‘yun ha.