PGT judges, sasalain na ang papasok sa semi-finals
MANILA, Philippines — Pipiliin na ng judges na sina Freddie “FMG” Garcia, Angel Locsin, Robin Padilla, at Vice Ganda ang acts na papasok at maglalaban-laban sa semi-finals sa gaganaping Judges Cull round ngayong weekend sa pinag-uusapang world class talent search sa bansa na Pilipinas Got Talent.
Matapos ang ilang linggo ng auditions, iilang acts na lang ang aabante at magkakaroon ng pagkakataong ipamalas muli ang kanilang talento sa PGT stage.
Una ng natukoy na pasok sa semis ang Golden Buzzer acts na kinabibilangan ng grupong Bardilleranz, sina Julius Obero at Rhea Marquez, Nocturnal Dance Company, at si Kristel De Catalina.
Kukumpleto sa listahan ang natitirang Golden Buzzer act na pipiliin ng hosts na sina Billy Crawford at Toni Gonzaga at makikilala rin ngayong darating na weekend.
Sino kaya ang papasok sa semi-finals? Sino sino rin ang acts ang unang magpapasiklaban?
Huwag palalampasin ang Pilipinas Got Talent tuwing Sabado, 7PM, at tuwing Linggo, 7:30 PM sa ABS-CBN.
- Latest