Yeng may kanta sa mga single at broken-hearted

Hindi mapigil si Yeng Constantino na habang tumatagal ay lalong lume-level up ang galing sa kanyang bagong single na Ako Muna.

Ang ganda ng mensahe ng kanta at tinamaan ang mga taong napagod na sa failed relationships. Dahil minsan nga naman hindi pag-ibig ang sagot sa lahat, kailangan din muna mahalin ang sarili. Oh ‘di ba may theme song si Yeng para sa mga sawi?

Lahat ng single ay naka-relate sa patok na kanta ni Yeng na mahalagang makilala at tanggapin muna ang sarili bago ang iba.

Walang kupas si Yeng na panalo talaga ang lyrics at maganda rin ang kanyang music video na nagpakita na naman ng ibang mukha at style.

Kudos ang lahat sa maganda at empowering song ni Yeng na sagot sa tanong ng mga indibidwal na walang dyowa o partner sa buhay.