James at Nadine organic ang mga eksena sa pelikula!

Sa presscon ng Never Not Love You ay natanong ang team real na sina James Reid at Nadine Lustre tungkol sa opinyon nila about marriage.

Ayon kay James ay bata pa raw siya at hindi pa nila talaga ito pinag-iisipan na inayunan naman ni Nadine.

When asked kung okay ba sa kanila ang marriage before live in, ayon kay Nadine ay depende naman daw ito sa tao.

But kung sila personally ang tatanungin, James answered, “no.”

Paliwanag ng aktor, “you’ll learn a lot from living with someone, so, I think it’s dangerous to make a decision like that if you don’t fully know the person.”

So far, ang pelikulang Never Not Love You ang most daring movie ng JaDine at sey nga nila, panahon na rin naman daw para bigyan ng “next level” ang kanilang fans at manonood.

Actually, ang mga karakter daw nila bilang Joanne at Gio ang daring at hindi naman dahil sa marami silang kissing scenes.

Kakaiba rin ang atakeng ginawa rito ni direk Antoinette Jadaone dahil habang ginagawa lang nila nabuo ang kwento.

“Actually, nung prinesent po siya sa amin ni direk Tonette, ano pa lang siya, as in hindi pa buo ‘yung kwento, kasi nga po, since it’s impro (improvised), so habang nagsu-shoot po kami ng mga eksena, binubuo pa namin ‘yung istorya.

“So, kung ano po ‘yung mangyayari kunyari sa eksena na ito, titingnan namin kung ano ‘yung kalalabasan ng sinyut natin, and then, doon po nagde-decide si direk Tonette kung ano talaga ‘yung eksena na isusulat niya sa susunod,” sabi ni Nadine.

Dagdag naman ni James, gusto raw ni direk Tonette na maging “organic” ang mga eksena.

Showing na sa March 31 (Black Saturday) ang Never Not Love You.