Marian kinilig sa lambingan nina Angel at Neil sa Japan
Angel Locsin at Neil Arce
Dinaig nina Angel Locsin at boyfriend na si Neil Arce ang lamig ng snow sa Kyoto, Japan, dahil sa init ng pagmamahalan nila habang magkayakap sa litratong ipinost ni Gel sa kanyang Instagram.
Emoticons naman na rose, puso, at smile ang komento ni Marian Rivera sa post ni Gel. Tugon ni Angel kay Yan, “@marianrivera yan!” with matching emoticons din.
Wish ng followers ni Angel, magkatuluyan silang dalawa ni Neil, huh!
Carrot Man nagpasilip ng puwet at abs sa Panagbenga
Umeksena ang nakilalang si Carrot Man o si Jeyrick Sigmaton sa grand float parade sa katatapos na Panagbenga Festival sa Baguio City. Take note na may sarili siyang float habang kita ang kanyang abs at litaw ang pisngi ng puwet, huh!
Nagiging venue ng bakbakan ng dalawang networks ang taunang piging na ito sa Baguio. Taun-taon ay nilulusob ito ng mga artista.
Sa panig ng Kapuso Network, dumayo roon si Regine Velasquez-Alcasid para mapamahalaan ang auditions ng singers para sa coming show niyang The Clash.
Bukod kay Songbird, nagpasaya rin ng crowd ang bida ng Contessa na sina Glaiza de Castro at Jak Roberto; Ruru Madrid at Matt Evans na kabilang sa Sherlock, Jr.; at lovers na sina Megan Young at Mikael Daez.
Bukod sa pinagkaguluhang mga artista, inabangan din ang tinawag na Bahag Boys dahil sa suot nilang Igorot costumes, huh!
Maine, Bianca, at Joyce, nagpaka-faney sa Fil-Am make-up guru
Sumugod ang ilang Kapuso stars sa event ng Fil-Am make-up guru na si Patrick Starrr nang maimbitahan para sa promotions ng kanyang line of cosmetics in collaboration sa sikat na global brand ng make-up.
Nanguna si Maine Mendoza sa pagpapa-picture kay Patrick. Sa tweets ng isa’t isa, happy to see you ang caption nila sa tweets na posted sa kani-kanilang account. Very soon, magkakaroon din ng launching para sa nasabing cosmetics kung saan kinuha siyang endorser.
Bukod kay Maine, nagpakuha rin ng pic kay Patrick sina Bianca Umali at Joyce Ching. Ilan naman sa nakatrabaho niya ay sina Katy Perry, Kim Kardashian, at Pia Wurtzbach.
After almost 20 years, ngayon lang uli nakabalik ng bansa si Patrick. Present sa event niyang ‘yon na ginanap sa SM Aura Samsung Hall ang lola niya.
- Latest
