Jennylyn at Mark sinimulan na ang reunion
Jennylyn
MANILA, Philippines — Magsasama sa isang project sina Jennylyn Mercado at Mark Herras. Mapapanood sila sa The Cure kasama sina Tom Rodriguez at LJ Reyes. Ito ang reunion project nila together kaya talagang kaabang-abang ang magiging kuwento nito.
Nag-level up din si Mark kaya excited na kaming makita siya sa small screen ulit. Nagsimula na sila sa taping, na ipinakita ni Jennylyn sa kanyang Instagram story.
Paolo at LJ nawawalan ng anak
Ang real-life couple na sina Paolo Contis at LJ Reyes ay mapapanood sa Sherlock, Jr. bilang Albert at Meryll Ruiz, ang mag-asawang nawawalan ng anak. Siyempre, tutulungan sila nina Jack, Lily, at Pido kasama si Siri na siyang makakatunog sa pagkidnap sa isang bata ng mga sindikato.
Abangan ang magiging kuwento sa likod ng buhay nina Albert at Meryll, dahil sila naman ang susunod na papakitaan ng galing nina Siri at Jack.
Yasmien mas natutunang mahalin ang sarili
Dahil sa advocacy na ipinapamalas ng Hindi Ko Kayang Iwan Ka, kinarir na ni Yasmien Kurdi ang pag-promote na matanggal ang stigma sa mga taong apektado ng HIV/AIDS.
Sumali siya kamakailan sa Fit To Love campaign ng Love Yourself, Inc., kung saan ineengganyo ang lahat na kuhanan ng litrato ang sarili para ma-empower na ipamalas ang kanilang self-worth. Perfect timing ito para kay Yasmien dahil mas natututunan na rin niyang alagaan ang sarili, na ibinabahagi rin niya sa kanyang followers at fans.
- Latest
