Winwyn nagpasabog sa mag cover!

Nagpasabog agad sa pagpasok ng 2018 ang kauna-unahang Pinay winner ng Reina Hispanoamericana 2017 na Teresita Ssen “Winwyn” Marquez dahil sa paglabas ng first-ever magazine cover para sa taong ito.

Featured sa technology-lifestyle magazine na Speed ang beauty queen on its cover for its January 2018 issue.

Sa Instagram account ng naturang magazine, super promote sila sa cover ni Winwyn.

“Roll out the red carpet for the first Filipina and Asian to win the title of Reina Hispanoamericana. Discover the ups, downs, and everything around the life of beauty queen and actress Teresita Ssen “Winwyn” Marquez in her first magazine cover—ever! Grab a copy of Speed’s January 2018 issue from your favorite bookstore, or download a digital.”

Sa ngayon ay puro mga hosting ng events ang ginagawa ni Wyn. Wala pa raw naka-lineup na teleserye para sa kanya dahil magiging hectic ang schedule niya para as Reine Hispanoamericana 2017.

Pero bongga naman ang lovelife ni Wyn dahil panay ang post nila ng boyfriend niyang si Mark Herras ng kanilang bakasyon noong nakaraang holidays.

Wonder Woman star na si Gal Gadot, pinakakumitang aktres nung 2017!

Ang bida ng Wonder Woman na si Gal Gadot ang highest-grossing actress of 2017 ayon sa Forbes magazine.

Ang worldwide gross ng Wonder Woman ay $1.4 billion at dalawang beses pa niyang ginawa ang role dahil sa isa pang box-office hit DC movie na Justice League.

Third highest-grossing film ng 2017 ang Wonder Woman pa rin na dinirek ni Patty Jenkins.

Si Brett Ratner sana ang magdidirek ng Wonder Woman sequel, pero binalik ang project kay Jenkins dahil inalis na si Ratner bilang direktor dahil sa sexual misconduct accusations sa kanya.

Pangatlo si Gal sa listahan ng highest grossing actors in Hollywood. Number one ay si Vin Diesel dahil sa mga pelikula niyang XxX: The Return of Xander Cage at The Fate of the Furious. Pumangalawa naman si Dwayne “The Rock” Johnson para sa mga pelikula niyang The Fate of the Furious, Central Intelligence at Baywatch.

Jopay safe na nanganak kahit hirap sa pagbubuntis

Bago pumasok ang taong 2018, naisilang na ng former Sexbomb Girl na si Jopay Paguia ang baby girl nila ng mister niyang si Joshua Zamora.

December 30 noong ipanganak ni Jopay si Baby Isabelle Alessa at ito ang caption niya sa kanyang pinost sa Instagram.

“This is the day that the Lord has given us Baby Isabelle Alessa, we’re so grateful to have her, it’s God’s precious gift. Forever thankful.”

Kung matatandaan ay nagkaroon ng miscarriage si Jopay noong 2015 at dalawang taon silang sumubok ulit ni Joshua na magkaroon ng baby.

Noong July 2017 ay in-announce ni Jopay na buntis na siya ulit.

Inamin ng 34-year old former Sexbomb Girl na nahirapan siya sa pagbubuntis niya sa ikalawang pagkakataon.

“Medyo mahirap. Kaya kailangan mag-ingat. Siyempre dati, sanay ka na galaw nang galaw, ngayon, halos hindi puwede,” sey ni Jopay.

Dagdag pa niya: “Buti na lang supportive siya (Joshua). Pero siyempre, waiting din kami. Taon din kaya mas blessed ako.”

Dahil parehong mahusay sumayaw ang mga magulang, manahin kaya ng anak nila ang talent nila sa dancing?

“Bakit hindi? I mean kung magka-interes siya, di ba. Malamang pag nakita niya kami, pati siya mapasali. Para na kaming dancing family!” pagtapos pa ni Joshua Zamora.