Jinkee todo-awra sa Australia!
Todo-awra si Jinkee Pacquiao habang nasa Sydney, Australia. Kasama niya ang asawang si Sen. Manny Pacquiao para daluhan ang press conference next bout niya kay Jeff Horn na gaganapin sa Brisbane sa July 2.
Fashionista ang drama niya habang nag-picture sa CBC Business Brokers sa Sydney. Meron din siyang kuha sa Sydney Opera House, South Bank sa Brisbane, Kangaroo Point Cliffs at iba pa.
Kahit kainggi-inggit ang dating ni Jinkee, hindi pa rin nawawala ang pag-post niya ng verses sa Biblia, huh! Para balanse ang awra niya at fashionista epek, huh!
Luis May certificate na sa pagsisid!!
Seryoso naman ang post ni Luis Manzano sa kanyang Instagram account kahapon. Walang kalokohang video dahil ang picture na nakalagay ay ang certificate niya bilang certified Divemaster and dive professional.
Pirmado ito ni Drew Ri chardson, ed.D, President and Chief Executive Officer ng PADI Worldwide. Bale DM-396668 ang nakatabi sa name ni Luis.
Pinasalamatan ni Luis ang kanyang best mentors sa loob ng 15 taon gaya nina Gerry “Papa Cool” Reyes, Arlie “Kuya Aris” Juarez, at Padoy (Doypads) Fajermo. “Salamat sa inyo! So who needs a divemaster?”
“I’m so proud of you!” komento ng girlfriend niyang si Jessy Mendiola. “Thanks wuv!!!” tugon naman ni Luis.
Congrats, Luis!
Rich iniyakan ang alok ng BF
Todo hagulgol ang Kapuso actress na si Rich Asuncion sa video ng proposal ng kanyang rugby player boyfriend na si Benjamin Mudie.
Naganap ang wedding proposal sa set ng Ika-6 na Utos. Present ang co-stars niyang sina Sunshine Dizon at Mike Tan nang maganap ang proposal.
Sa Instagram account ni Rich, idinispley pa niya ang engagement ring na bigay ng boyfriend.
“Hands down to my man who pulled this proposal off so perfectly. So surprised when I saw him down on one knee in the middle of the scene during our taping. Of course, the answer is YES!!!” caption ni Rich.
Nakatagpo na rin si Rich ng lalaking seseryosohin siya, huh!
- Latest
