Julia may inilihim sa ina!
Nakahinga nang maluwag si Julia Barretto dahil sa pagtangkilik ng moviegers sa kanilang pelikulang Vince & Kath & James ng Star Cinema.
Nung una ay ninerbyos ang aktres lalo na para sa komedyante niyang daddy na si Dennis Padilla at mommy niyang si Marjorie Barretto na isa ring aktres. Hindi rin nagkuwento si Julia sa mommy niya na walang idea sa kanyang character sa movie.
Bukod kasi sa first lead role ni Julia ang movie na kasali sa Metro Manila Film Festival ay unang project din ito ni Julia na may pagka-comedy.
Sa said movie ay marami nga silang pakilig ng kanyang mga leading men na sina Joshua Garcia at Ronnie Alonte.
Sa tagumpay ng movie at magagandang feedback ay nagpapasalamat at natuwa ang aktres. Kuwento ni Julia sa interview, talagang dinibdib niya ang kanyang role.
Thankful si Julia sa kanilang director na si Theodore Boborol dahil natural ang pagkakagawa sa mga eksena. Hindi lang sila Julia, Joshua, at Ronnie ang first time sa MMFF, kundi maging si Direk Theodore na naging director din ng Be My Lady.
- Latest