Bubble Gang kakaiba ang paandar sa 21st anniversary

MANILA, Philippines – 21 Gang Saluta ang theme ng 21st Anniversary ng Bubble Gang na magkakaroon ng TV specials sa Nov. 25 at Dec 2. Isang special na pagbibigay pugay sa 21 comedic gems of Philippine Cinema at television at gagawin nila ang mga famous sketches at mga eksenang ginawa nila na tumatak sa mga taon noon.

Sa tagal nila sa ere ay laging ipinapaalala ni Michael V sa mga kasamahang artista na dapat ibalik nila sa manood na tumatangkilik sa kanila linggu-linggo ang mga magagandang sketches at eksena with all dedication na siyang dahilan kung bakit after 21 years ay na nanatiling number one at longest running gag show sa Pilipinas ang programa nila.

Napapanood ang Bubble Gang tuwing Biyernes ng gabi sa GMA 7.

Barbie hindi pa kilala ang mga leading men

Ang haba naman talaga ng hair ni Barbie Forteza dahil isang pasabog na naman ang ginawa ng Kapuso Network para sa kanya. Nakita kasi namin sa Instagram post ng aktres na hindi lang dalawa, kundi apat na lalaki ang mag-aagawan sa kanya sa pinakabago niyang serye sa GMA. Ang tanong sinu-sino kaya ang mga lalaking ito? Excited na tuloy kaming alamin kung sinu-sino sila.