Lalaki sa Japan, gumastos ng 2-M yen para matupad ang pangarap na maging aso!

ISANG lalaki sa Japan ang naisakatuparan ang pangarap na magmukhang hayop sa halagang 2 million Yen (katumbas ng P823,000)!

Nag-trending sa Japanese netizens ang Twitter user na si @toco_eevee matapos niyang ipost ang kanyang litrato na suot ang makatotohanang costume bilang aso na “Colie” isang malaking breed ng aso.

Gawa ng kompanyang Zeppet ang costume ni @toco_eevee na inabot ng mahigit 40 araw para magawa ang costume.

Ayon sa isang local Japanese news outlet, kilala ang Zeppet na gumagawa ng mga sculpture para sa mga pelikula, TV dramas at commercial. Gumagawa rin sila ng costume at mga mascot ng amusement parks.

Sa panayam kay @toco_evee, napag-alaman na isa siyang pet lover kaya gusto niyang maranasan kung paano maging isang hayop. Pinili niya ang aso na Colie dahil isa ito sa malaking breed na magiging makatotohanan kapag sinuot niya ito bilang costume.

Bukod sa Twitter, mapapanood din si @toco_eevee sa Youtube kung saan makikitang suot niya ang kanyang costume habang sumasagot sa mga tanong ng kanyang subscribers.