95-anyos na lalaki at kanyang 84-anyos na nobya, ikinasal sa U.K.!
ISANG 95-anyos na lalaki sa Cardiff, United Kingdom ang nagpatunay na walang maaga o late sa pag-ibig matapos siyang magpakasal sa unang pagkakataon sa kanyang one true love!
Nakilala ni Julian Moyle ang kanyang bride na si Valerie Williams, 23 taon na ang nakalilipas sa Cavalry Baptists Church sa Cardiff, U.K. Si Valerie ay 84-anyos na ngayon.
Noong nakaraang Pebrero 2022, nag-propose si Moyle kay Valerie at nagpakasal sila noong nakaraang Huwebes (Mayo 19) sa simbahan kung saan din sila unang nagkakilala. Dinaluhan ng 40 nilang kamag-anak at kaibigan ang kanilang pag-iisang dibdib.
Ipinanganak sa Australia si Moyle at nag-migrate sa U.K. noong 1954. Soloist siya sa Welsh National Opera. Dahil tutok sa kanyang career bilang singer, hindi naging priority ni Moyle ang pag-aasawa noong kanyang kabataan.
Pagkatapos ng kanilang kasal, nagtungo ang newlyweds sa Australia para sa kanilang honeymoon.
Sina Julian Moyle, 95, at kanyang bride na si Valerie Williams, 84.
- Latest
