Mga walang COVID pass sa the Netherlands, bawal gumamit ng comfort room sa labas
HINDI makakagamit ng comfort room sa mga establisimento ang mga walang COVID pass sa The Netherlands, ayon sa kanilang health minister.
Niluluwagan na ngayon ang COVID restrictions doon, kabilang na ang hindi na pagpapatupad ng social distancing.
Nauna nang ipinanukala na mag-require ng mga tinatawag na COVID pass sa mga restaurants at bars ngunit hindi ito inaprubahan ng parliament ng The Netherlands dahil maliit lang naman daw ang tsansang magkahawahan sa mga nasabing establisimento.
Sa halip, sa restrooms o palikuran na lang ng establisimento manghihingi ng COVID pass, kung saan nakalagay kung nabakunahan na ang may hawak nito, kung siya ay nagka-COVID na dati, o kung nagnegatibo siya sa RT-PCR test.
Inamin ng health minister na si Hugo de Jonge na istorbo pa rin ang COVID pass requirement sa mga mamamayan na gusto ng lubusang kumawala mula sa mga health restrictions, ngunit kailangan daw respetuhin ang desisyon ng parliament sa nasabing isyu.
- Latest