107-anyos na kambal sa Japan, hinirang ng Guinness na pinakamatandang kambal sa buong mundo!
PINARANGALAN ng Guinness World Record organization ang twin sisters na sina Umeno Sumiyama at Koume Kodama ng titulong “Oldest Living Identical Twins”.
Ipinanganak noong Nob. 5, 1913 sa Shodo Island ang kambal at ang edad nila sa kasalukuyan ay 107 taon at 300 araw.
Na-verify noong Set. 1, 2021 ng nasabing record-keeping organization ang petsa ng kapanganakan ng kambal.
Dahil sa COVID-19 pandemic, hindi na sila napuntahan ng mga opisyal ng Guinness kaya ipinadala na lamang ang kanilang mga sertipiko sa pamamagitan ng airmail.
Sa magkahiwalay na senior home facility nakatira ang kambal kaya magkahiwalay nilang natanggap ang kanilang parangal.
Naging emosyonal si Sumiyama nang matanggap niya ang kanyang certificate samantalang si Kodama naman ay may problema na sa kanyang memorya kaya hindi na niya maintindihan ang kahalagahan ng natanggap niyang sertipiko.
- Latest