Kampanya vs ‘wang-wang’, palalakasin — PNP

MANILA, Philippines — Paiigtingin muli ng pambansang pulisya ang kampanya laban sa illegal na paggamit ng ‘wang-wang,’ ‘blinkers,’ at iba pang emergency de­vices sa mga sasakyan.

Sinabi ni Police Maj. Gen. Val de Leon, director for operations, may utos na si PNP OIC Vicente Danao Jr., sa Highway Patrol Group para hulihin ang mga ilegal na gumagamit ng wang-wang at blinkers.

Pagdidiin ni De Leon, kailangan na maipatupad ang batas at ipinagbaba­wal ang paggamit ng siren, blinkers at iba pang emergency devices sa mga pri­badong sasakyan.

Unang pinuna ni Sen. JV Ejercito ang pagdami mu­li ng mga gumagamit ng ‘wang-wang’ para maka­lusot sa trapiko at sinegundahan naman siya ni Sen. Win Gatchalian.

Magugunita na ipinag­bawal ito ng yumaong Pa­ngulong Noynoy Aquino at unti-unting sinamantala sa administrasyong-Du­terte.

Nakasaad sa Presidential Decree No. 96, ang mga blinkers o wangwang ay pinapahintulutan lamang sa Armed Forces of the Philippines, Na­tional Bu­reau of Investigation, Land Transportation Office, Philippine Na­tional Police, Bureau of Fire Protection at mga ambulansiya.

Umapela si De Leon sa mga may-ari ng sasakyan na tanggalin na ang mga wangwang at blinkers dahil hindi nila papayagan ang mga ito na labagin ang batas.

Makikipag-ugnayan ang PNP-HPG sa Land Trans­portation Office, Me­­­tro­politan Manila De­ve­lopment­ Authority at mga local go­vernment units (LGUs) sa pamamagitan ng kanilang traffic enforce­ment bureaus upang sabay-sabay at tuluy-tuloy ang implementasyon nito sa buong bansa.