Marcos, kailangan ng bihasang opisyal sa DA
MANILA, Philippines — Ang pamumuno ni Pangulong Bongbong Marcos sa Department of Agriculture (DA) ay matibay na pundasyon at hudyat ng mga prayoridad ng administrasyon sa pagpapalago ng agrikultura ng bansa.
Ito ang sinabi ng National Coalition of Filipino Consumers (NCFC) at nangangailangan si Marcos ng isang operations man na titiyak sa pagkamit sa adhikaing agriculture self-sufficiency at food security.
Anila, maaaring hindi na kailangang tumingin ng malayo ang Pangulo dahil may mga mapagkakatiwalaang opisyal sa DA na umano ay hindi napansin ni dating kalihim William Dar.
Sa pagsusuri ng grupo, ang kasalukuyang Undersecretary for operations na si Engr. Ariel T. Cayanan ay maaaring ilagay sa puwesto na namumuno rin sa National Rice at National Corn na mga programang nagpakita ng record ng pagtulak ng mga patakaran at estratehiya sa seguridad ng pagkain.
Naniniwala pa ang grupo na maaaring ginamit bilang ‘sacrificial lamb’ sa umano’y smuggling deal ang ilang opisyal ng DA para mapagtakpan ang mas malaking anomalya sa ahensya.
Anya, si Cayanan ay isa sa pinakamatataas na opisyal sa DA ay madaling maisakatuparan ang bagong policy thrust ng Marcos administration na nagdaragdag ng pamumuhunan para sa mga magsasaka upang pasiglahin ang domestic agriculture productivity at self-sufficiency.
Magugunita na si Cayanan ay naging Task Force Head sa panahon ng quarantine period sa kasagsagan ng Covid-19.
- Latest
