Sanggol pinugutan ng ulo, tatay kinatay ng kuya
MANILA, Philippines — Isang 9 buwan gulang na sanggol na babae ang pinugutan ng ulo habang ang kanyang ama ay pinagtataga ng kanyang kapatid na may problema sa pag-iisip, kamakalawa sa Surigao del Norte.
Naliligo sa sariling dugo at wala ng buhay nang matagpuan ang mag-amang Johnny Avila Sequira, 23-anyos at wala na rin ulo ang anak nitong babae, kapwa residente sa Purok-Mabuhay, Barangay Matin-ao, Mainit, Surigao del Norte.
Naaresto naman ang suspek sa ginawang manhunt operation ng Mainit Municipal Police Station sa Surigao del Norte na kinilalang si Fred Avila Sequira, 33-anyos.
Batay sa report ng Mainit–PNP, Martes ng hapon naganap ang krimen sa loob ng tahanan ng mag-ama.
Ayon sa saksi, nakita nila ang suspek na lumabas ng kanilang bahay bitbit ang itak na may bahid ng dugo at naglakad patungo sa bulubunduking bahagi ng naturang lugar.
Dali-dali namang tinungo ng saksi ang bahay ng mag-ama at dito bumulaga sa kanyang harapan ang mga bangkay.
Sinabi ng mga kaanak na sinusumpong ng sakit ang suspek lalo na kapag nalilipasan ng gutom.
- Latest