SolGen Calida itinalagang COA chair ni Marcos
MANILA, Philippines — Itinalaga ni President-elect Ferdinand “Bongbong” Marcos Jr., si Solicitor General Jose Calida para pamunuan ang Commission on Audit (COA).
Ito ang inihayag ni incoming Press secretary Trixie Cruz-Angeles na si Calida ang magsisilbing chairperson ng COA.
Matatandaan na itinalaga si Calida bilang solicitor general noong Hulyo 2016 ni Pangulong Rodrigo Duterte na bababa na sa Malacañang ngayong araw.
Nagsilbi siyang justice undersecretary at executive director ng Dangerous Drugs Board (DDB) bago sumapi sa administrasyong Duterte.
Si Calida ay nagtapos ng cum laude sa Ateneo de Davao University noong 1969 at base sa website ng Office of Solicitor General, nagtapos si Calida noong 1973 ng Bachelor of Laws degree sa Ateneo de Manila University.
- Latest
