Presyo ng oil products, tataas na naman

MANILA, Philippines — Bad news na naman sa mga motorista ang panibagong taas-presyo na ipatutupad sa mga produktong petrolyo ngayong araw.

Batay sa anunsiyo ng Caltex, Cleanfuel, Seaoil, at Shell, may dagdag na P1.65 sa kada litro ng diesel habang P0.50 naman ang itataas sa bawat litro ng gasolina.

May patong ding P0.10 sa kada litro ng kerosene ng Caltex, Seaoil, at Shell.

Mauunang ipatupad ang oil price adjustment sa Caltex bandang 12:01, Martes ng madaling-araw (Hunyo 28).

Magiging epektibo naman ang paggalaw ng presyo sa ibang oil companies bandang 6:00, Martes ng umaga, habang 8:01 ng umaga sa Cleanfuel.Asahang mag-aanunsiyo rin ng oil price adjustment ang iba pang oil company. - Angie dela Cruz