VP Security and Protection Group binuhay ng AFP para kay Sara
MANILA, Philippines — Upang mapangalagaan ang seguridad at kaligtasan ni Vice President-elect Sara Duterte at ng kanyang pamilya, muling binuhay o ini-activate ng Armed Forces of the Philippines (AFP) ang Vice Presidential Security and Protection Group (VPSPG), ayon sa isang opisyal kahapon.
Sinabi ni Col. Jorry Baclor, hepe ng AFP-Public Affairs Office (AFP-PAO), si AFP Chief of Staff Gen. Andres Centino ang namuno kasama ang iba pang matataas na opisyal ng militar sa activation ceremony sa Camp Aguinaldo kamakalawa ng hapon.
Kasabay nito, itinalaga ni Centino si Lt. Col. Rene Giroy bilang kauna-unahang VPSPG commander.
“The AFP saw it fitting to provide the Office of the Vice President a dedicated unit that shall ensure the safety and security of the second-highest elected official in the country,” ayon sa Chief of Staff.
Ang VPSPG ay dating Vice Presidential Security Detachment na nasa ilalim ng Presidential Security Group (PSG).
Sa pagbabalik ng VPSPG, isa na itong hiwalay na unit na pamumunuan ng isang 0-6 Grade officer na may ranggong Colonel o katumbas ng Navy captain.
- Latest
