Lady MSWD opisyal utas sa ambush
MANILA, Philippines — Namatay noon din ang isang babae na municipal social welfare and development officer matapos na pagbabarilin ng riding-in-tandem habang sakay ng kanyang kotse, kamakalawa sa Oceanview Subdivision, Brgy. San Isidro, Virac, Catanduanes.
Ang biktima na nasawi noon din dahil sa tama ng bala sa iba’t ibang bahagi ng katawan ay nakilalang si Carmel A. Eubra, dalaga, residente ng naturang lugar.
Sa ulat, alas-5:30 ng hapon minamaneho ni Eubra ang kanyang Mitsubishi Expander (EAD-3661) at papasok sa kanilang subdivision nang biglang sumulpot ang dalawang suspek na lulan ng motorsiklo at walang kaabug-abog na pinagbabaril ito.
Nagkabutas-butas ang salamin ng sasakyan at tinamaan ng mga punglo sa katawan ang biktima na agad nasawi.
Patuloy ang imbestigasyon ng mga pulis para matukoy ang pagkakakilanlan ng mga suspek at motibo sa pamamaslang.
- Latest