Calatagan,Batangas inalog ng magnitude 6.1 lindol
MANILA, Philippines — Ayon sa Philippine Institute of Volcanology and Seismology (Phivolcs), isang magnitude 6.1 na lindol ang naitala sa northwest ng Calatagan, Batangas, kahapon.
Ang pagyanig na tectonic ang origin, ay naramdaman dakong alas-5:50 ng madaling araw, at may lalim na 122 kilometro.
Nabatid na Intensity IV ang lindol na naramdaman sa Calatagan, Batangas; Intensity III sa Quezon City; Pasay City; Pasig City; Tagaytay City; Mendez, Amadeo at Alfonso sa Cavite; at Obando, Bulacan.
Nasa Intensity II naman ang naramdaman sa Abucay, Bataan; Gapan City, Nueva Ecija; Castillejos, Zambales; Mandaluyong City; Manila City; Makati City at Tanay, Rizal.
Naitala rin ang instrumental intensities na Intensity IV sa Puerto Galera, Oriental Mindoro; Intensity III sa Plaridel, San Ildefonso at Malolos City, Bulacan; Guagua, Pampanga; Tagaytay City; Calapan City, Oriental Mindoro; Batangas City; Olongapo City, Zambales; at Gumaca, Quezon.
Intensity II naman sa Talisay, Batangas; Mauban at Dolores, Quezon ; Roxas at San Jose, Occidental Mindoro; Muntinlupa City; Gapan City, Nueva Ecija; Pandi at Marilao, Bulacan; Mulanay, Quezon; Las Piñas City; Marikina City; Malabon City; Cabanatuan City.
Intensity I sa Los Baños, Laguna; Iba, Zambales; Pasig City; Quezon City; Tayabas, Polillo, Lopez, San Francisco at Lucban, Quezon; Baler, Aurora.
Ayon kay Department of Science and Technology (DOST) Undersecretary Renato Solidum, na siya ring officer in charge (OIC) ng Phivolcs, ang sanhi ng lindol ay ang pagsuksok ng West Philippine Sea sa ilalim ng Luzon, sa kahabaan ng Manila trench. - Doris Franch
- Latest
