Duterte titingin na lang sa magagandang babae, pagbaba sa puwesto
MANILA, Philippines — Muling nagpakawala ng biro si Pangulong Rodrigo Duterte kamakalawa kung saan sinabi niya na dahil patapos na ang kanyang trabaho sa Malacañang ay aatupagin naman niya ang paghahanap ng magagandang babae.
Sa kanyang talumpati sa Central Post Office Building sa Maynila, sinabi ni Duterte na hanggang tingin na lamang naman siya dahil matanda na.
“Ang trabaho ko na lang ngayon magtingin ng magandang babae… Okay na ako. Tingin lang, hindi ako naga-abduct, hindi ako naga-ano, basta tingin lang kasi matanda na,” ani Duterte.
Sinabi rin ni Duterte na hindi siya dapat katakutan kung mayroong titigan pero okay lang sa kanya kung magpapakilala ang titingnan.
Sinabi rin ni Duterte na 77 taong gulang na, na alam ng kanyang partner na mahilig siyang tumingin sa magagandang babae.
Nakatakdang bumaba sa posisyon si Duterte sa Hunyo 30 at ilang beses na niyang binanggit na magiging isang ordinaryong mamamayan na lamang siya at uuwi sa kanilang probinsiya sa Davao.
- Latest