Bawas-presyo sa petrolyo epektibo ngayon

MANILA, Philippines — Nag-abiso ng bawas-presyo sa produktong petrolyo ang ilang kum­panya ng langis na epektibo ngayong araw.

Batay sa anunsiyo ng Cleanfuel, Petro Gazz, Shell, at Seaoil, may kaltas na P3.10 sa kada litro ng diesel habang P0.40 naman ang tapyas sa kada litro ng gasolina.

Mababawasan din ng P2.10 ang bawat litro ng kerosene ng Seaoil at Shell.

Magiging epektibo ang oil price adjustment ng Petro Gazz, Shell, at Seaoil bandang alas-6:00, ngayong umaga.

Samantala, dakong alas-8:01 ng umaga ay magsisimulang mabago ang presyo ng mga produktong petrolyo ng Cleanfuel at asahan na ring mag-aanunsiyo na rin ang iba pang oil companies ng kanilang oil price adjustment.