13 sundalo na security ni VP Robredo, sugatan sa aksidente
MANILA, Philippines — Nasugatan ang 13 miyembro ng Philippine Army 17th Scout Ranger Company nang sumabog ang gulong ng kanilang sasakyan sa Lamitan City, kamakalawa ng umaga.
Sa ulat, bahagi ang mga nasabing sundalo na mga security ni Vice President Leni Robredro na dumalaw sa Lamitan City nitong Miyerkules.
Base sa imbestigasyon, alas-11:00 ng umaga nang bigla na lamang sumabog ang harapang gulong ng KM450 vehicle ng mga sundalo na nagdulot sa pagkawala ng kontrol ng driver.
Dahil sa pangyayari, nahulog ang sasakyan sa road canal ng Barangay Sengal, Lamitan City.
Agad dinala ang mga sugatang sundalo sa Lamitan District Hospital upang lapatan ng kaukulang lunas na ang dalawa dito ay na-dislocate ang braso at balikat habang ang dalawa ay nabali ang ribs.
- Latest