Sesyon sa Senado at Kongreso, sinuspendi
MANILA, Philippines — Dahil sa patuloy na pagtaas ng kaso ng COVID-19 sa bansa ay sinuspinde ng Senado at Kongreso ang kanilang session.
Ayon kay Senate President Tito Sotto na nais muna ng Senado na pababain ang surge ng virus dahil maraming staff ng mga senador at secretariat ang nagpositibo at naka-quarantine kaya’t ang kanilang plenary sessions ay suspendido hanggang Enero 24.
Sinabi ni House Speaker Lord Allan Velasco, nagdesisyon ang liderato ng Kamara na isuspinde muna ang sesyon sa plenaryo sanhi ng pagsirit ng kaso ng COVID-19 lalo na ngayong may bagong banta ng Omicron variant.
Anya, simula ng taong ito ay umaabot na sa mahigit 70 miyembro at empleyado ng Kamara ang nagpositibo sa virus habang maraming iba pa ang sumasailalim sa quarantine matapos na makaramdan ng sintomas habang ang iba pa ay close contact ng mga nagpositibo sa virus. - Joy Cantos
- Latest
